Médam zé Méssyé, la sossyété koz èk mwin sé koz èk in kouyon mé sé o pyé d’lo mir k’i oi lo masson.

Mézami, mi panss zot i koné kozman-la pars si mi tronp pa sa sé in kozman mi kroi mwin la antann sa lékol é pli préssizéman dann la lang franssèz. Mé antanssion, d’apré sak mi kroi kissoi bann provèrb, kissoi bann kozman, kissoi bann zé d’mo, kissoi bann fab, i paré sa la pran néssans dann lo péi zordi ni apèl l’Irak é aprésa sa la fane in pé partou. Donk lé anou ossi. Nou ossi nou néna in droi la dsi.

Astèr in sha shodé par lo bouyante, la pèr lo bouyante biensir, mé li pouss son pèr pli loin é lo fré ossi i fé pèr ali. Bonpé rante nou i koné lo danzé mé la pèr lé fine tèlman kapar noute léspri ké nou la pèr mèm kan la pwin in vré danzé. Sa lé konm la guèr, épi konm lakssidan. Sa lé parèye kan ou la tonb dann in pyèz in zour…an kontrèr défoi lo danzé i aguéri aou é wi fé fass.

Alé ! mi kite azot rofléshi la dsi é ni rotrouv pli dvan sipétadyé.