Mézami, si zot i lir bien kozman mwin la marke an-o la, zot va konstate li lé bien dann léspri kréol. — inn fasson d’anvoye baladé an plézantan, inn fasson d’anvoye kélk’in dsi lé roz an douss é san sokouss, konm téi di fitintan. Konm di Alain Peters, inn fasson koz an parabol.

Astèr ké mi kalkil in pé, mi apèrssoi bann kozman kréol i baz bonpé dsi bann zé d’mo, mé sa i vé pa dir wi gingn pa oute kate vérité pars si ou la bien ékoute lo bann mo épi lo ton k’i sava ansanm na poin d’érèr pou fèr… Sa la pa in konpliman mé a kou sir in foutaz dé guèl karabiné.

Alé ! Mi invite azot pou rofléshi é ni artrouv pli d’van, sipétadyé.

Justin