Mézami, mwin lé sir dann zot fon d’kèr, zot i koné kozman-la sof pétète si zot lé fine obliyé pars konm toute kozman li la konu, konm i di, son tan d’gloir épizapré son tan d’loubli. Mé la pa pars li komanss daté k’i fo obliye ali pars li néna in sanss dann noute sossyété.

In zour mi rapèl mwin l’ariv an parmi épi mwin la assir san di bonzour. Kan mwin la vi manyèr demoune téi rogarde amwin, mwin la lèv konm in robo épi mwin la parti anbrass toulmoune — toute té famiye. Mé konm mi di, néna in pé i tienbo pa kayé mé d’ote lé pa konmsa. Ma fiye, zot i lèss pa tonbé.

In matante, avan aksèpe mon bonzour, la di amwin kozman marké an-o la. Mi pé dir azot mwin la rouzi konm in tomate pars lé vré, la politèss lé né avan nou é sa i fo pa ni obliye.

Mi kit azot rofléshi la dsi é ni rotrouv pli d’van sipétadyé.

Justin