Mézami kan néna in n’afèr pou fèr préssé mèm, néna touzour in pé pou tourné-viré, fé pass lo tan avèk zafèr initil é néna in pé lé préssé pou rantre an akssion i panss lé pa bon pèrde lo tan. Si tèlman k’zot i akiz zot prop kamarade apré fé l’antrak.

L’antrak sé kan wi sava sinéma é k’lo fime i arète dann milyé. An atandan li rodémar, l’akssion i arète é in pé i panss sa sé in pèrte d’tan pars zot lé préssé oir la fin, lo dénouman konm i di an franssé.

Alé ! Mi kite azot rofléshi la dsi é ni rotrouv pli d’van, sipétadyé.

Justin