In kozman pou la route

« So matin i mète zèf poul, asoir i sorte ti kanar la »

30 mé, sanm Justin

Médam zé Méssyé, la sosshyété, koz èk mwin s ékoz avèk in kouyon, mé sé o phyé d’lo mir k’i loi lo masson.

Mézami si néna in kozman téi kol bien avèk la vi piblik in tan sé bien sète ni sorte marké. Ou téi vote kominiss épi kan i fé dépouyman i sort biltin la droite. Sé konmsa k’in zour in komèrssan la interpèl lo prézidan biro d’vote épi la di ali : so matin i mète zèf poul, asoir i sorte pti kanar. Lo prézidan té pa tro kontan mé lo soir la dépouye konmsa mèm.

In pé té apèl sa folklore mé anon pa obliye lété inn késtyon d’droi pou bann sitoiyin. Alé ! Mi kite azot rofléshi la dsi é ni rotrouv pli d’van, sipétadyé.

Justin

Padport

Signaler un contenu

Inn modékri, inn ti lavi, inn komantèr ?