In kozman pou la route

« Térin lé mouyé, pou nou, konm pou lé zote ! »

16 avril, sanm Justin

Médam zé méssyé, la sossyété, koz èk mwin sé koz èk in kouyon é sé o pyé d’lo mir k’i oi lo masson.

Mézami dann in match la plipar d’tan néna in gagnan épi néna in pèrdan. Lo pèrdan i rode touzour in prétèks pou éskiz li la pèrde. Sé konmsa li va di térin lé tro mol, zèrb lé tro gran, balon lé tro dir. Mé toute sak li di, si lé vré pou li, lévré galman pou ladvèrsèr.

Sé pou sa ké souvan défoi demoune va di : « Balon lé ron pou toulmoune ! » donk la pa bézoin ésplike son léshèk par déssèrténn kondission lé vré pou lo dé lékipe.

Alé ! mi kite azot rofléshir la dsi é ni rotrouv pli d’van, sipétadyé !

Justin

Padport

Signaler un contenu

Inn modékri, inn ti lavi, inn komantèr ?