Médam zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami, zot i koné bien néna kékshoz ni pé pa alé kont sé lo tan.Opliss i sava opliss lo tan i pass é opliss tan i pass sé opliss , opliss ni sava dsi la fin. Sé konmsa ké momandoné kan i domann aou nouvèl, wi réponde « toulézan douz moi » é sa i vé difr pti lanp-pti lanp wi marsh dsi la fin.

Ni koné la fin v’arivé konm i ariv pou toulmoune pars lo tan i romonte pa « wi viéyi mé wi rajni pa é sa sé in loi natirèl ! ». Alor wi mète a dir kozman nou la marke an-o la.Pou komanssé an plézantan pars i fé bien d’plézante èk sa mé firamézir plizanpli sèryèzman. Ziska ké ou la pi anvi plézante dsi in sizé konmsa.

Alé ! Mi kite azot rofléshir la dsi é ni rotrouv pli d’van sipétadyé.