29 août 2024, par
Mézami sé pa si zot i rapèl Jacques Duclos ? Sa lété in dirizan lo PCF é sirtou sa lété in boug l’avé zoli kozman. Li té kandida kan in sèrtin Poher la prézante konte in sèrtin Pompidou é kan Duclos téi oi bonpé d’ moune apré prèss paryé pou inn konte l’ote li la fé romarke bann zoinaliss : inn é l’ote sé lo mèm zafèr antouléka pou bann travayèr pars zot l’avé poin arien pou gagné dann in konba rante dë supo d’kapitalist.
Pou kossa mi di azot sa ? Pars an parmi mon bann kamarade néna in pé l’apré paryé kamala Harris konte Trump é zot i souète la viktoir d’inn konte l’ot mé bann travayèr la-dan, bann prolétèr, kossa zot i sava gagné ladan ? Pars inn é l’ote lé dann kan kapitaliss épi inpéryaliss. Inn konm l’ote i défann lo sistèm amérikin. E inn konm l’ote lé paré pou koush atèr dovan lo sistèm militaro-indistriyèl. Inn é l’ote lé apré kalkil koman lé possib anpèsh La Chine pass dovan zot konm promyèr puissanss mondyal.
A lamarj inn é l’ote lé pa parèye mé si ni rogarde lo fon dé shoz, inn é l’ote sé la mèm shoz,kif-kif-bouriko-boite zalimète. Zot i rapèl bonpé rantre nou lété pou lo promyé Prézidan noir Barack Obama é avèk lo tan ni apèrssoi noute léspoir lété mal plassé… Ni éspéré dé shoz é bann shoz-la la pa arivé… Biensir mi koné in prézidan kominiss mèm progréssiss na poin la shanss gingn zélékssion.dann zétazini.
Nou sré kontan oir in madam noir ranporte zéléksssion moi d’novanm sète ané.Sré pou nou kékshoz inportan mé sirman pa lo tsounami ké ni éspèr oir arivé… Ni yèmré oir sa arivé mé ni koné bien lo gran malédikssion sé lo sistèm kapitaliss amérikin é li lé pa an danzé d’disparète.
Pou finir m’a rapèl azot in kozman Paul Vergès téi di-fitintan kan mwin l’avé la shanss travaye in pé dann son biro. Donk li téi di lo sistèm kapitalist an franss li néna prèss la totalité d’in émissikl pou done ali la min-sa téi sorte dopi bann gaulist ziska parti sossyalis an passan par lo santre-é bann travayèr zot lété bien toussèl. Toussèl galman bann péi koloniozé ou néo. Toussèl galman Cuba, La Palestine épi bann pèp dominé. Wala sak noute kamarade téi di é boudikonte mi pans pou so tan-la li l’avé rézon.
A bon antandèr salu !
Alors que l’île entre dans la saison sèche, La Réunion fait face à une menace grandissante : le manque d’eau. Malgré le passage du cyclone (…)
Nous venons d’apprendre que la tentative honteuse d’Olivier Hoarau de faire voter par le conseil municipal la protection fonctionnelle en sa (…)
Mézami néna inn-dé soir mi garde télé é mi oi in késhoz i rapèl amwin mon zénèss : lo tan issi La Rényon l ’avé pa mal bèf moka. Par l’fète sa la (…)
« Le financement du modèle social repose trop sur le travail », a estimé le président le 13 lors d’une interview diffusée sur TF1. Il souhaite que (…)
Mézami zot i koné bann békèr d’klé ? Sak i travaye o noir épi i toush in moné pou inn tash a fèr. Noute toute i koné sa la pa in n’afèr a fèr, (…)
Dans les régions ultrapériphériques d’Outre-mer, la pêche artisanale est essentielle sur les plans économique, social et culturel. Elle y fait (…)
Ce 9 mai, Moscou a accueilli les commémorations du 80ᵉ anniversaire de la victoire sur l’extrême droite en Europe, en l’absence des dirigeants (…)
Mézami mi sorte lir dann lésprèss Maurice lo poinn-vizé in moune inportan i apèl Edouard Maunick dsi lo kréol morisien épi son dévlopman laba shé (…)
Ce dimanche 11 mai, le nouveau Pape a prononcé sa première prière devant des milliers de fidèles à la basilique Saint-Pierre de Rome. Durant son (…)
Les États généraux de la canne à sucre doivent poser la question de la gouvernance de la filière, responsable de la crise actuelle sans précédent. (…)
Les eurodéputés ont adopté de nouvelles règles en matière d’émissions de CO2, offrant un délai supplémentaire aux constructeurs en retard sur (…)
Les enfants qui naissent aujourd’hui ont, dans la majorité des cas, la chance de connaître leurs grands-parents, voire leurs (…)
