In kozman pou la route

« Vèye sa konm lé dsi l’fé ! »

18 mars, sanm Justin

Médam zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami zot i koné lo tik-tak dolé dsi l’fé ? Dann kasrol li shof, li shof, li shof mèm. Wi diré li monte ar pa zamé é toudinkou wala ké li monte, li monte, li monte mèm é si wi méfyé pa lé riskab li vèrss dann fé é wi pèrde in bonpé outelé-Talèr mèm lé riskab tinde lo fé.

Sé pou sa kan wi mète dolé o fé, la pa bézoin alé fèr in n’ote afèr an mèm tan pars la katastrof lé vite arivé. Donk kan lo patoi i di i fo vèye in n’afèr konm lé dsi l’fé zot i konpran kossa sa i vé dir. I fo pa wi rolash oute sirvéyanss pars sinonsa wi loupe oute mission.

Alé ! Mi kite azot rofléshir la dsi é ni rotrouv pli d’van, sipétadyé.

Justin

Padport

Signaler un contenu

Inn modékri, inn ti lavi, inn komantèr ?