Mézami, mi panss zot konm mwin la fine avoir a fèr avèk in zépine kassé dann noute pyé apré shèrch lo moiyin débarass anou avèk in n’afèr konmsa san réissir.

Mé par l’fète zot i koné kossa i lé in zépine dann pyé, i pé z’ètein zépine pou vréman, i pé z’ète in n’ote annuiman. Sé konmsa k’in zour in moune la di amwin son madam la parti. Mwin la di ali lé trist mé li la di amwin : « Trist ? Akoz trist ? In bon n’afèr o kontrèr, la la tir in zépine dann mon pyé ! »

Mi lèss azot apréssyé lo zafèr si lé vré pou d’bon, sansa si li fé sanblan, é ni rotrouv pli d’van, sipétadyé.

Justin