Médam zé Méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami mi koné pa si zot i koné kozman-la é sirtou mi koné pa si zot i ansèrv sa mé mwin pèrsonèl i ariv amwin ansèrv lo kozmansan konète lo koman di pourkoi-romark bien ibn zour mwin la antann lo kozman "san konète la ké avèk la tète" é mi panss sa i vé dir lo mèm zafèr.I di ossi "ni pin, ni makatia" mé sa sé plito pu dir sa i fé pa mwin arien antouléka sé sak mi kroi é sé sak bann tliv mi koné lé rozistré dann mon tète.

Pou rovnir dsi noute kozlman d’démaraz mi panss sa i vé die in moune la rantekissoi dann in bataye, kissoi dann in konvèrssassion téi konssèrn pa li é an pliss li téi koné pa arien dan l’afèr. Mézami,si zot i vé bien, sèrv bann kozman-la,sa sé la rishèss noute lang é s ai fo pa lèss pèrde.

Alé ! ni artrouv pli dvan,sipétadyé.