In kozman pou la route

« Wi ékoute in klosh, wi antan k’in son »

28 mé, sanm Justin

Médam zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami dizon l’ariv in n’afèr énéna in sèl moune sansa in sèl klan i rakonte l’afèr son fasson. Si wi baz la dsi pou fèr aou in l’opinyon, pétète wi nyabou, pétète ou l’assé avèk sa. Dakor ! Mé ou lé sir oute lopinion sé la vérité mé si n’avé in n’ote fasson oier lé shoz ? Si mé shoz l avé spass in n’ote fasson é pas an pour san konm la komanss rakonte lo zistoir ?

Fransh vérité, ou lé pa sir sak wi panss sé la vérité vré é si l’afèr, konm i di, i sava pli loin, si sa i dovien in n’afèr d’loi lé possib in zizman pa zist i pé z’ète pri konte in moune é sa i mérite roflèkssion, wi panss pa ?

Antouléka, mi kite azot rofléshir la dsi é ni rotrouv pli d’van, sipétadyé.

Justin

Padport

Signaler un contenu

Inn modékri, inn ti lavi, inn komantèr ?