Médam zé Méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mi koné pa tro si sa lé vré pou toulmoune koméla mé sirésèrtin sa lété vré dann tan lontan. Dann la lang bann franssé kan wi travèrs shomin, sa i vé dir wi sorte in koté pou alé l’ote koté… Dann la lang kréol travèrssé sé suiv in shomin san pass l’ote koté.

Kossa wi fé ? Wi oi bien mi travèrs ? Mi suiv mon shomin pou sorte in poin A pou alé in poin B. Dann la lang bann franssé i diré « je passe ». Kossa wi fé ? Mi koupe shomin : mi sorte in koté pou alé l’ote koté. Marmaye kan zot i koup shomin fé bien atanssyon loto i kraz pa zot.

Alé ! mi kite azot rofléshir la dsi é ni rotrouv pli dvan, sipétadyé.