Mézami kossa i lé manzé koshon. Rapèl azot kèl kalité manzé noute famiye téi done koshon. Fé travaye zop koko mwin lé sirésèrtin sa va rovnir azotan mémoir. Manzé koshon sé lo rèst manzé, sé galman patate, shoushou, tron d’banane ashé, sé galman lo son, touto, la zèle mayi épi toute sorte shoz té i mète a kuir ansanm-an fin d’konte sé in mélanz manzé.

Koméla non ! Koméla sé granilé i ashète la boutik mé avan té pa konmsa.

Dan la vi néna bann zistoir onète, bann zistoir prop, mé néna ossi zistoir malonète, zistoir sal, zistoir mékllanz é s ésa demoue i apèl zistoir manzé koshon. Astèr ké zot i rapèl, mi invite azot bien rofléshir la dsi é mwin lé sir zot ossi va trouv zistoir manzé koshon la spass dann famiye lé z’in épi lé zot, la spass galman dann lo mond dé zafèr.

Alé ! Ni artrouv pli d’van sipétadyé.

Justin