Médam zé Méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami, mi koné pa si zot la fine goute pikir guèpe.Antouléka si zot la pankor, inkyète pa, press pa, pars sé kékshoz k’in ariv o vivan. Antouléka, mwin pèrsonèl mwin lé fine bien gourte sa dopi étan pti ziska zordi pars si wi arvaz guèpe dann son ni, assiréman ou va gingn pikir.

In pé lé alèrzik par rapor bann pikir guèpe, in pé lé pa alèrzik mé sa i prouv pa k’zot i yèm doulèr guèpe pars fransh vérité doulèr guèpe sa i fé mal vréman. Anpliss ké sa atanssion lo zyé, lo né, lo manton pars sansa ou lé mékonéssab.

Alé ! Mi kite azot rofléshir la dsi é ni retrouv pli dvan sipétadyé.