Mézami, mi koné pa si zot la fine gingn pikir guèpe ; lontan sa lé té in kékshoz klassik é toute marmaye, mèm gran moune té fine gingn kou d’pikir guèpe. Astèr lé pa rar trouv demoun la zamé goute sa : normal, la vi lé fine si tèlman irbanizé.

Lot zour mwin la ziska antande parlé demoune l’apèl ponpyé pars guèp la fé in ni dsu robor in fénète. Zour-la mwin la panss nou té fine vréman modèrnizé. Opliss wi modèrniz opliss ou lé san défanss.

An atandan, sak lé sir sé k’ i gingn boubou dsu la lèv sak kékpar la parti rodé. Si wi arvaze pa lé rar wi gingn l’annuiman é sa mi panss sé in losson d’la vi. Rèss trankil dann oute koin, annuiy pa pèrsone, é ou va pass oute vi trankil.

Alé ! Ni artrouv pli d’van sipétadyé.

Justin