Oté

« Arvaz pa gèp dann son ni »

In kozman pou la rout

Justin / 5 séptanm 2018

JPEG - 43.6 ko

Mi koné pa si zot la déza bien ogard bann gèp travaye dsi in ni. Dabor lo ni mèm, momandoné li néna arienk inn-dé mèr dsi. Momandoné li lé kouvèr an antyé avèk bann volatil oranz. Kosa zot i fé ? Zot i travaye in poin sé tou. Z’ot travaye ? Aranz bann nouvo z’alvéol, sansa nouri bann larv kan zèf la fine éklo, sansa ankor défann lo ni kont bann zétranzé-la plipar d’tan sé d’moun mé pa sa solman. I pé an avoir in papiyon, in krapo, sansa d’ot z’ènmi. Anou, si ni yèm la natir, i fo ni tienbo kont de zot pars in guèp i détrui ziska 190 shoniy dann son vi. Alor si ou i sava ravaz azot, inn bone shof lé bien mérité pars bann gèp i défann la natir olèrk nou, souvan dé foi, ni vé détrui la natir. Alé ! Mi kite azot rofléshi la dsi é ni artrouv pli d’van. Sipétadyé.