Oté

« Asé pran demoun pou mang atèr don ! »

In kozman pou la rout

Justin / 9 octob 2019

JPEG - 43.6 ko

Mésyé, Médam, la sosyété ! Koz èk moin sé koz èk in kouyon-sé o pyé d’lo mir k’i oi lo mason. Mang atèr na poin in bon répitasyon, poitan étan marmaye la plipar d’tan té sa mèm nou téi manz. Pou kosa ? Pars nou téi fé antansyon lo propriyétèr la pa apré vèye anou. Pou koué ankor ? Pars moin la touzour fé parti la sosyété lo moindréfor. An pliské sa, nou téi poz pa késtyon dsi mikrob, baktéri é tousala, mèm pisa zanimo té i inkyète pa nou. Mé dann tan lété dann tan é koméla sirman ni fé pi in n’afèr konmsa. Koméla tout zafèr kisoi frui, kisoi légime, ni lav troi lo par pèr la kontaminasyon é lé vré in mang atèr lé plis riské d’ète kontaminé k’in mang anlèr lo pyé. Ankor, port antansyon, koméla i bonbard avèk produi shimik é forsé sa i aminn d’ot maladi. Donk koméla, si mang atèr néna mové répitasyon, mng anlèr lé a méfyé. Oplis lo tan i pass, oplis i koné pi kosa i pé manzé san méfyans. Alé ! Mi kite azot rofléshi la dsi é ni artrouv pli d’van. Sipétadyé !