Oté

« Asé tir boudin kui dann vant koshon ! »

In kozman pou la rout

Justin / 22 zanvié 2020

JPEG - 43.6 ko

Mésyé, Médam, La sosyété, koz èk moin sé koz èk in kouyon, mé sé o pyé d’lo mir k’i oi lo mason. Kozman moin la mark an-o la, mi pans néna in takonn moun i koné sa. Mi rapèl mèm sa lé dann in lalbome Ziskakan dsi bann démarshèr. Lo shanté téi di konmsa : « Oté démarshèr, oté volèr, asé tir sosis kui dann vant koshon. ». Mi souvien sa néna o moins vintan é zot i pé kroir amoin l’avé inn-dé démarshèr la pa aprésyé l’afèr. Tout fason sa in provèrb é in provèrb li di lo vré, li di lo fo, li di tazantan ninport de koi, li pèz dsi la ké pou oir si la tète i bouz. Mèm si ni yèm ali pou vréman sirtou kan li lé pa dir pou konprann. Alé ! Mi kite azot rofléshi la dsi é ni artrouv pli d’van. Sipétadyé !