Oté

« Ashté ti koshon dann goni » - dézyèm morso

In kozman pou la rout

Justin / 20 févrié 2019

JPEG - 43.6 ko

Dann zournal yèr nou la komans anparl lo patoi : ashté ti-koshon dann goni é nou la fine oir sa in n’afèr i fo pa fèr pars ou lé riskab gingn in sirpriz avèk in zanimo pa konform konm ou i kroi. Sans prop é la pa bézoin ou lé kalé pou konprann in kékshoz konmsa. Mé nou la di néna galman lo sans figiré é dann sans figiré i parl pi d’ti-koshon, i parl pi non pli d’goni. Mé lo konparézon i rèss bien la pars so kou isi nou lé dann sans figiré. Dann ka-la i di aou solman i fo méfyé bann foutèr d’dan, bann montèr d’zopérasyon bidon, bann moun i rode arienk pou roul aou dann la farine é malorozman demoun konmsa i mank pa. Konm mon défin papa téi di : « zot i piss o li la nuite é landomin sé ou k’i lèv mouyé ! ». Alé ! Mi lèss azot lo tan pou rofléshi la dsi é ni artrouv pli d’van. Sipétadyé !