Moin osi moin la lir lo liv Aimé Césaire ék Françoise Vergès. Pou sat i koné pa i fo dir Aimé Césaire lété koté Raymond Vergès pou port la loi la départmantalizasion. Kan banna la domann lasimilasion sa lété pou dir si nou lé Fransé, kom la Frans i di, sa i vé dir nou na minm droi tout la bann. Toulmonn i koné la loi 1946 la komans ét vré pou vréman rienk la fin zané 90.

Sak Aimé Césaire i di ankor zordi, i intérés amoin, akoz La Frans la roul anou kari sou d’ri. La itiliz lasimilasion pou fé in lasimilasion kiltirèl, pou dir anou koma lés nout kiltir, lés tout sat i fé anou dovan la port la répiblik épi pran vétman gran sivilizasion la Frans. Koméla kan ni di asimilasion, ni antann rienk sa-minm tandis la vérité sé nout té di, kom Laurent la di : nou lé pa plis, nou lé pa moin, réspèk sat nou lé.

Zistin