Oté

« Asizèr dsi ! »

In kozman pou la rout

Justin / 15 zanvié 2018

JPEG - 43.6 ko

Mi souvien moin la lir dann Témoignaz in pti zistoir é pti zistoir-la la fé plézir amoin vèye pa. Sa i éspas dann tan bann kar kouran d’èr : in bononm bien alarji dsi la baz, i asiz koté in madam. Dizon mèm près dsi lo madam . Lo madam i fé la romark : « mésyé akoz ou lé blan moin lé noir, ou i pran l’atorizasyon pou kraz amoin ? ». Lo mésyé i grongn in spès modéskiz épi kan li ariv son l’adroi, li dsann. Lo madam i di pa arien mé kan lo kar i démar, èl i kriy pou la boug : « Aspès asizèr d’si ! ». Aprésa èl i rovir dsi son bann konpagn épi èl di : « Té i falé moin té i abiy ali ! Tro for désèrtin la ! ». Konm in moun l’amenn in konba vinkèr. Alé ! Mi less azot rofléshi la dsi é ni artrouv pli d’van sipétadyé.