Oté

Askiz amoin si mi arparl de sa, pars pou moin sa lé inportan

Justin / 11 févrié 2020

JPEG - 43.6 ko

Mé zami mi poz azot in késtyon . Ala mon késtyon : Souvan dé foi mi antann dir kisoi dann shomin kisoi dann radyo pèrkal, si La Rényon lé dann sète éta ké li lé, sa i vien par la fote bann z’om politik La Rényon. Sé par zot fote k’i marsh pa ! Moin la mèm antann in moun dann radyo apré di isi La Rényon néna dé shoz i marsh pa é dé shoz i marsh.-Sé par la fote bann zéli La Rényon si néna dé shoz i marsh pa, é si néna dé shoz i marsh zot lé pou arien la dan.

Sa in kozman lé inzis sa. Konm lé inzis in kozman k’i di bann zéli i fé pa arien épi zot i azout a la kantonad : an touléka, mi oi lé shoz konmsa !
Astèr si ni kalkil in kou sirtou si nou lé pa dopi arienk dé zour dsi la tèr, si ni kalkil lo tan la frode éléktoral, lo tan la vyolans é lo tan bann nèrvis, lo tan la loi té i fé sak èl téi fé, lo tan la koripsyon, lo tan bann préfé shèf de band, ni pé dir lo limaz ni pé avoir par raport bann zéli la pa in b o n zimaz é l’imaz lé bien gravé dann la mémoir kolèktiv é la pa zordi pou limaz-la éfasé.

Fé la par rant lo b on é lomové, lo bon grin av èk l’ivré, moin l é sir sa la pa in n’afèr va fé an in zour. Sirtou si dan la kaz demoun i blablate la san fin, san rogard ki ki pèrd, ki ki gingn, la pa zordi, va fé la par rant lo bon é lo mové, lo bon grin avèk l’ivré.
An touléka, kan ni koz i fo pa ni obliy sak la sabote sifraz inivèrsèl bour lirn, manyé la koripsyo, ashète bann konsyans, ansèrv la rolijyon pou désèrtin zizaz, épi la ède bann zésploitèr, la tonm dsi la bos bann z’oprimé… Kansa la fé sa ? Néna lontan, néna poin lontan ? Néna asé d’tan mé mèm pa asé pou o bliyé zot i pé kroir amoin.