Mézami samdi mwin té apré ékoute in radyo é in loditèr la anonss l’avé in rob sérémoni dsi in route kat voi issi La Rényon. Lo lanimatriss la di èl i panss la pèrssone la zète son rob pars sa téi fé tro l’amayaz.

In l’amayaz sé kékshoz i anmaye aou donk ou lé pa alèz dodan. In zour mwin la antann in ga apré dir li mète pa lo gan pou travaye pars sé in l’amayaz initil. Amayé, sa i vé biensir dir sak i vé dir : i anpèsh aou bouzé konm wi vé. I di pa galman « marmaye shové la mayé » ? Mé sa sé in n’ote istoir.

Alor mi arète tèrla épi mi invite azot bien rofléshir pou sa. An atandan ni artrouv pli d’van, sipétadyé.

Justin