Mé néna in n’afèr, mwin lé sirésèrtin i éshape pa zot sé la tète. Néna lontan ni manz la morü mé depu toussa l’tan nou la pankor oir son tète. Konm mwin la pankor oir la tète bann poisson viétnamien : o fète mi koné pa koman li apèl mé mi koné kan i ashète ali li la pwin la tète.

Donk avèk bann poisson la pwin la tète néna in problèm : wi koné pa son tète é wi domann pou kossa i amontr pa ou sa ? Pou kossa i di pa ou koman sa i lé ?antouléka ni konpran bien pou kossa i di in moune i rode la tète la moru. Sé dir li l’apré rode linpossib. Sé dir la difikilté wi pé avoir an rodan linpossib.

Léspréssion sé léspréssion, lo mo sé lo mo, é final de kont opliss wi rode ali, o mwinss ou néna in shans pou trouv ali.I anpèsh pa ou rodé, mé i promète aou sar dir pou trouvé, mèm ké ou l’apré pèrde out tan pou rode ali.

Mi kite azot rofléshir la dsi é ni rotrouv pli dvan, sipétadyé.

Justin