Provèrbe mwin la marke an-o la, sa in provèrb isorte L’Afrik. I sorte mèm dann in péi L’Afrik dé l’est i apèl La Tanzani, : Tanganyka, la asosyé avèk Zanzibar pou done konm mi di azot La Tanzani. Mé kossa in provèrb konmsa i vé dir : dabor i vé dir in krapo i pé pran plizyèr pozissyon mé li rèss in krapo é ni pé z’ète dakor avèk sa partou,.

Wi pé déguizé mé wi rèss konm ou lé d’orizine.

Par l’fète néna in pé partou provèrb pou di dé shoz konmsa : par ébzanp pou dir in sha sé in sha é la pa moiyin fé shanj ali an shien ziska koméla. I di ossi in shate i fé pa lo shien é in foi anplis moin pèrsonèl moin lé dakor avèk sa-in sinp késtyon d’ bon sanss. In késton d’sazèss élémantèr.

Final de konte, wi pé si wi vé déguize aou, makiye aou, fé konmsi, fé sanblan mé wi rèss konm ou lé natirèlman : bon si ou lé bon, méshan si ou lé mésan, intélizan si ou lé intélizan, bète konm in po si ou lé bète konm in po. Anfin wi shanj pa.

Alé ! Mi kite azot rofléshi la dsi é ni artrouv pli d’van. Sipétadyé.