Oté

« Astèr-la la bil i sar mélanj avèk lo san » 

In kozman pou la rout

Justin / 22 févrié 2020

JPEG - 43.6 ko

Mésyé, Médam , La sosyété, koz èk moin sé koz èk in kouyon, mé sé o pyé d’lo mir k’i oi lo mason. Zot i koné kan i di i n n’afèr konmsa sé pou dir in gran bataye i sava pété bann zéléman lé pa konpatib i sar mélanz inn avèk l’ot é pir ksa zétinsèl i sar pété. Zot i koné kosa i ariv kan i mélanz la bil avèk lo san ? Ou gingn pi sépar inn sanm l’ot : lo san I vien amèr é koulèr zone oranjé. La vézikil bilyèr i pète é out kari i vien or d’éta. Sé pou sa kan ou i vide in volaye i fo fé bien antansyon lo vézikil i pète pa, pars malèr pou ou apré. Alé ! Mi kite azot rofléshi la dsi éni artrouv pli d’van. Sipétadyé.