Mézami, zot i koné, nou kréol-la ni yèm bien larg foutan nou, é si in pé i kroi i adrèss azot in bone parol i ariv ké l’apré larg azot in foutan.

Zot i koné défoi kan wi done demoune in pyé zot i vé pran lo karo é sa i ariv pli souvan ké ni kroi pars anprofitèr sa in rass i pèrde pa sa é kan wi panss zot i sava lèss aou trankil, mank de po zot lé touzour prézan pou tiré.

Alor i fo trouv in fraz pou arète l’afèr é sak mwin la ékrir an-o la, mi panss sa sé in bon fraz, é assé pou arète in pé, mé pa touzour pars konm zot i koné in pé na poin lo né dann milyé zot figuir é konm i di, i pran foutan pou konpliman sansa i fé konmsi.

Alé ! Mi kite azot rofléshi la dsi é ni rotrouv pli d’van, sipétadyé.

Justin