Mézami dann kozman lontan néna souvan dé foi in losson pou tiré é losson-la sé in losson d’sazèss é losson d’sazèss sa i fo pa zété.

An kontrère i fo bien ramassé pars la sazèss sé sak i manke in bonpé dann la sossyété. Kozman mwin la marke an-o la néna son losson d’sazèss é son lésson sé ké kan ou la fine fé oute méyèr possib é ké ou la pa gingn avanssé konm in pé i di, i fo tire léshèl. Dann noute kozman i di, i fo dépoze lé zarm. Sé konmsa ké kan ou néna afèr a in moune kouyon, sansa bité, sansa boushé vèye pa koman, i fo done rézon épi tourn la paze, dépoze lé zarm, donn in pévé d’karanss. La sazèss ladan, sé ké kan i gingn pa, i gingn pa, kan i gingn pi i gingn pi é la pa nésséssèr fé l’asharnman.

Alé ! Mi kite azot rofléshi la dsi é ni artrouv pli d’van. Sipétadyé.