Oté

« Atann lo soir pou di ou la pass in bon zourné. »-2-

In kozman pou la rout

Justin / 14 out 2019

JPEG - 43.6 ko

Médam, mésyé, la sosyété, yèr moin la parl avèk zot dési kozman-la épi moin la di konmsa sé in proverb é li néna sirman in sans pli zénéral ké son sans prop donk in sans figiré. Dizon li lé valab dann plizyèr ka : dann fotball si balon lé ron pou toulmoun i koné pa lo rézilta toultan l’arbit la pankor sif lo poin final. Dann in voiyaz, sé kan ou i rant out kaz ké ou i koné si sa la bien éspasé. Dann in zéléksyon, i fo atann dépouyman pou konète si ou la gagné sansa si ou la pèrd. Mèm dann in fime sinéma ou i koné pa-konm téi di lontn-si Garson i mord si la fin sansa si li lé nkor vivan. Moin la kon ète in moun té apré rogard in fime dsi Bann romlasyon rant Trotsky épi Staline, pou konète kisa la gingn boudikont. Alé ! tousa arienk pou fé rofléshi azot in pé é ni artrouv pli d’van. Sipétadyé.
NB- Garson sa té Kid Carson mé dann tan bann kréol téi di ali Garson.