Nout kozman i di anou bien sé kan lo soir i rante k’i pé fèr lo bilan d’in zourné pars si néna in sirpriz bon sansa mové pou arivé li lé fine arivé. Final de kont kan lo soir i ariv, wi pé fèr lo bilan pou konète si la zourné la bien éspassé osinonsa si té mol sansa fransman dézagréab.

Majine in kou wi pass in bon zourné épi toudinkou néna in kékshoz dézagréab i ariv aou ébin sirésèrtin sa i rèss ar pa dann out vi in bon zourné-san pour san bon — Majine ankor wi lèv pyé gosh granmatin épi kékshoz dézagréab i ariv aou ébin sar pa non pli in bon zourné san pour san bon.

Astèr si lé zan k’i ri, wi obli vite in mové lépizode. Si ou lé zen k’i plèr la pa di tou la mèm afèr.

Alé ! Mi kite azot rofléshir la dsi é ni retrouv pli dvan sipétadyé.

Justin