Dann la sossyété néna bann moune atèr épi bann moune anlèr. Moune atèr i viv anlèr é moune anlèr i viv atèr — dann kaz atèr biensur — si zot la bien konprann amwin.

Mé si mi di : « intèl lé atèr-la ! ». Sa i vé pa dir li lé anba osinon anlèr, mé sa i vé dir li lé pa tro lwin d’issi.

I di défoi mète kréol anlèr. Donk mète ali in pé pli o, dsi la otèr pars la plipar d’tan li lé atèr.

Alé ! Mi kite azot mé obliye pa nout kozmanmwin la mète anlèr-la pars sa i kont pou nou kréol ki yèm bien l’égalité. Ni artrouv domin sipétadyé.

Justin