Mal de tèt, nozé..., la pa sèlman laba Saint-Paul - kartié Létan - de moune lé pri d’vomisman èk la polision. Yèr, inn ot kalité la polision la anpoizone lèr dann kouloir Tribinal administratif Saint-Denis !

Vitfé-bienfé - antou apène in kardèr - bann mazistra la désid mèt in tinb si le ki Mlinda - èk son pti baba - pou rééskpédié azot laba Comores, zot péi dorizine. Zot la aplik la loi dann toute son rigèr, fas’ in moune an sitiasion soidizan irégilière ! ! !

Si le zizman lé sirman ékspéditif, le déroulman le prosé lété plito déroutan, pou pa di dégoutan. San lavoka pou défann son ka ; san lintèrprète pou fé konprann ali é konprann sat la pou di ali ..., té arèt Mlinda rienk le zié pou pléré fas’ in zistis’, pa forséman san zorèy, mé asiréman san kèr ! ! !

Justin