Mi pans sa lé vré vréman. Konbien foi moin la antann demoun apré koz san kalkil lé konsékans. Aprésa kan dézagréman i ariv zot i pans an rotar ké zot nora myé fé pa kozé. Pli pir sé kan ou i koz a distans dann téléfone : l’èr-la, si ou la pa bien kalkilé, tourn sèt foi out lang dann out boush, ou i fé déga san rann aou kont. La ou i fash avèk out z’ami, out zanfan, out momon… Solman a bien kalkilé, si ou I koz avèk in bon z’ami, mèm si lo mo ké ou I di I fash, rant z’ami sa I pardone. Rant famiy galman. Solman dir lé fasil mé fèr lé plis konpliké : dé foi i fo in médyatèr, sinonsa in antrométèr pou arnz in pé lé shoz. Kosa zot i anpans, Arien ditou ? Fé travay z’ot koko ! Fé bouy z’ot matyèr griz ! Zot va oir ké, rant-rant, ni pé z’ète, tazantan dakor rantre nou.