Mé ni arète pa la, ni sava pli loin, ni sava fé rogardé… Kossa i lé sète afèr d’fé rogardé ? Dabor kissa i rogarde ? Zot i koné issi shakinn rant nou néna plizyèr rolijyon é si dann inn i rogarde pa, dan l’ot i rogarde… é si ou néna in kamarade dann in troizyèm rolijyon li amenn anou pou fé rogardé.

Fé rogardé ? Sé fé oir dann karte, sansa dan la sande, sansa ayèr, si ou néna inn shanss réissi dann out projé suivan l’èr, la date, lo moman, la pozission bann planète é tou é tou é si toussa lé favorab wi pé désside déssidé.

Pou kossa rogardé ? pars i paré sak i rogarde i oi pou vréman. Azot de kroir osinonsa pa kroir mé suiv in tradission sé déza iin bon afèr, zot i kroi pa ?

Alé ! Mi kite azot rofléshir la dsi é ni retrouv pli dvan, sipétadyé.

Justin