Mésyé, Médam, La sosyété koz èk moin sé koz èk in kouyon, mé sé o pyé d’lo mir k’i oi lo mason. Kozman moin la mark an-o la, sanm pou moin, sa i égzis in pé dann tout sivilizasyon-in pé dann tout lang galman si zot i vé, in pé dann tout kiltir. Pou mon par, moin la mète ali dann kréol rényoné san z’ète sir ké sé sa pou vréman : shak lang néna son zéni, shak pèp néna son niyans mé mon tradiksyon i doi z’ète aproshan. D’apré moin sa i vé dir ou i pé krétik in moun-tout demoun lé krétikab - mé i fo komans par konprann kisa li lé, kosa l’ariv ali, afèr li fé sak li fé. An kékmo i fo ou I koné ali pétète pa san pour san mé in bon pti pé kant mèm.zot I koné, nou kréol-mé sa lé vré pou lé zot galman-nou néna la krétik fasil. Ni grenn ladi-lafé konm i grènn kou d’kongn dann gale mé lé rar ni pran lo tan pou konprann in moun é poitan, si nou téi fé démarsh-la, si nou téi tourn sète foi nout lang dann nout boush pé s’fèr nou noré pa di sak nou la di. Alé ! Mi kite azot rofléshi la dsi é ni artrouv pli d’van. Sipétadyé !