Mézami mwin lé sirésèrtin kozman mwin la mark an-o la, nou lé nonbré pou konète ali, nou lé nonbré a ansèrv de li si lo sirkonstanss i prézante. Sirtou dann in péi konm la n’ote soi in bonpé i ariv avan l’ère soi in bonpé i arv apré l’ère.

Néna in provèrb déor i di konmsa : légzaktitide sé la politèss bande roi. Mé final de konte, firamézir sé la politèss toulmoune dann in tan i fo touzour wi réazi a l’èr-la minite. Lontan l’avé lo tan, mé koméla napi. Mème demoune i fé pa arien, i trouv zot la poin lo tan.

Alor sé la sossyété k’i doi adapte avèk nou, sansa sé nou k’i doi adapte avèk la sossyété. La réponss lé klèr mé mi lèss azot rouvé par zot mèm.

Alé ! Astèr mi kite azot rofléshi la dsi é ni rotrouv pli d’van. Sipétadyé.

Justin