Mézami lé drol antande in n’afèr konmsa dann in péi demoune i réspèkt pa tro l’èr . Ni pé rapèl l’èr lanterman : katrèr pou sinkèr.Ni pé rapèl ossi l’èr bande rényon piblik dann déssèrtin kartyé : kan i di sinkèr, étone pa ou ké l’moune i ariv mèm èr ké zot lé abityé.

Mé mi parl in tan la fine passé dopi lontan pars avèk la modèrnité lo réspé d’lèr lé dovni kaziman obligatoir... Mèm kan lé pi obligatoir sa i dovien in dézyèm natir. Bande rotrété, i travaye pi, mé zot i kontinyé réspèkt l’èr, zot l’èr pa forséman sète toulmoune.

Alé ! mi kite azot rofléshi la dsu é ni rotrouv pli d’van.
Sipétadyé.