Médame, méssyé, la sosyété koze èk mwin sé koze èk in kouyon, mé sé o pyé d’lo mir k’i oi lo masson.

Mézami dopi ké mi lire, mi rolir provèrb-la mi domande amwin kossa sa i vé dir. Pars si tronpe pa, fourmi na pwin la tripe sa. Anfin sé sak mi kroi ; donk momandoné mwin té a d’mandé si téi vé pa dire va oir vizyon, donk dé shoz wi majine mé i égziss pa konm kan ou lé dann dézèr : in miraz si mi tronpe pa. In l’èr mwin la lir in ladaptassyon an fransé é téi di : « Toute i ariv a poin pou sak i koné atande. ». L’èr-la sa la fé mazine amwin in kozman kréol rényoné bien koni é ki di konmsa : « La passyans i guéri la gal ». La gal ? in salté sa, in zafèr demoune lontan té i koné bien é kan ou té pri avèk sa, ébin ou lété pa paré pou ète kite vitman-vitman. Donk la passyanss sré son médikaman. Pé s’fèr lo sèl, amoinss ké bande zansien téi koné in bon tizane plante.

An touléka, ni pé kante mèm rofléshi la dsi.an atandan ni artrouv pli d’van. Sipétadyé.

Ak pasyans wa wè trip foumi.- in provèrb péi Haïti.