Oté

« Avèk l’arzan, ou i pé fé dans n’inportékèl makak »

In kozman pou la rout

Justin / 7 zwin 2018

JPEG - 43.6 ko

Kozman-la i fé rapèl amoin mové souvnir : souvnir zéléksyon lontan. Kan lo soidizan bon parti téi mète in kandida néna larzan an kantité. Lo ronm té i koul a flo. Biyé par si biyé par la, kisoi lo soir sansa la zourné tout sak out prop parti i gingn pa doné é mi pé di orozman. Promèss an kantité ! Nout parti i parl la konsyans, lintéré zénéral, lintéré d’klass é désèrti i kite ali. Zot i pans moin la vi sa dann fime ? Biensir, mé pa solman : dann la réalité osi moin la vi. Néna lontan ! Pa si tèlman, mi pans sa i fé touzour mé lé moins vizib ké avan, mi pans. Astèr, si ni rotourn in pé pli an-o, mi ézite pa kopar bann trète avèk bann makak – sof mon réspé pou bann zanimo !-pars moin la vi do pré sak mi kalifyé d’makak, moin la vi azot dansé, moin la antann azot gélé, moin la vi azot tap demoun. Alé ! Mi kite azot rofléshi la dsi é ni artrouv pli d’van. Sipétadyé !