In kozman pou la rout

« Avèk la boush kosa k’i fé pa ! »

24 mé 2016, sanm Justin

In kozman pou la rout

Mi pans zot i oi déza kosa kozman-la i vé dir. Mi pans zot i koné provèrb-la, sak i di, « rant dir é fèr nana dé ! » sansa l’ot ankor k ‘i di konmsa : « kozé lé bon, mé fèr lé myé ! ». Sa i vé pa dir la mèm shoz pou vréman, mé sanm pou moin zot lé bien famiy, zot lé aproshan… Konbien foi kan moin l’été pti sansa kan moin l’été jenn moin la antann inn-dé dalon té i di zot i pé fé sosi, zot i pé fé sola. Mé konm i di sé dovan lo pyé d’mir k’i oi lo mason é té pa rar kan i ariv dovan lo mir in pé i dégonf é zot i gingn la ont. Sirtou kan té i mète o défi… Mi pans astèr zot i koné bien lo sans nout provèrb é siou-plé tourn sèt foi la lang dan la boush avan promète tyé sèt, blès katorz pars tansyon-pangar ! Alé, ni artrouv pli d’van !


Signaler un contenu

Inn modékri, inn ti lavi, inn komantèr ?


Témoignages - 80e année


+ Lus