Mésyé,médam, la konpagni,mi pans zot i koné kozman-la.La plipar d’tan sa i adrèss désèrtin mové péyèr, kan ou i antann z’ot bon bagou, mé ou i oi pa la koulèr larzan i doi aou.

Larzan ? Llo nèr d’la gèr. Larzan ? Valèr d’éshanj mé avèk lo kapitalism ni pé di sé près lo sèl valèr demoun i rokoné dann la plipar d’péi. Lé vré san larzan la port la boutik lé fèrmé é si i mank aou kékshoz, ou la pa sir gingné si ou néna poin lo pourkoi- lo pourkoi sé larzan ! Mé antansyon avèk lo mo « mèrsi » : mon vyé famiy téi di toultan in « mèrsi » sa i doi.In sign la politès é la politèss lé né avan nou d’apré sak mi kroi !

Koméla, konm mi antann tou lé zour, mèrsi lé rar rant famiy, rant zamiy, mèm rant dalon. Lé vré in mèrsi i nouri pa son om, mé pèrsone la pa di aou s’an pass dir sa.Ou i fé out prop règ rolasyon sosyal don ? Alé ! Mi kite azot pou rofléshi la dsi,dsi la valèr larzan, dsi lo mèrsi-sansa « mèrsis » konm bann vyé moun i di- é ni artrouv pli d’van.

Sipétadyé !