In kozman pou la route

« Avèk mwin i fé pa kililik ! »

31 octob 2024, sanm Justin

Médam zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Dapré sak mwin té i antann lakaz étan pti, fèr d’kililik, sansa kikilik sé tourn an ron pou pa avanssé, fèr dé manyèr. Mi rapèl dann mon vilaz l’avé bann moune téi di : « La pa bézwin tortiye lo déyèr pou fèr droite ». Pétète sa ossi sé lo kililik. I anparl ossi kass lanbordir é mi panss sa i vé dir zoué avèk bann mo pou.

Alé ! Rode zot mèm dann bann liv dikssyonèr pou trouv in définission i konvien azot, mé antanssion fé vite pars bann kozman-la lé déza in pé anssien é bann vyé moune i sava souvan défoi avèk zot manyèr kozé.

Ni artrouv pli dvan, sipétadyé.

Justin

Padport

Signaler un contenu

Inn modékri, inn ti lavi, inn komantèr ?


Témoignages - 80e année


+ Lus