Konm li la été instrui, lo prosé d’“Outrau”, laba an Frans, la fini dann lo pir fason. In zizman èskandalé ousa nana inpé la fé la prizon pou rien é dot la rotourn la prizon, touzour pou rien. Tousat té ki kroi ankor dann la “zistis’ mon péi” la rèt si lo ki !
Talèr pandan plid’ in moi, la zistis’ la done ali an lèspèktak. Lèspèktak in mashine in foi lansé i gingne pi arété. Lankèt la été mal fé ? Na fé komn si lété bien fé. Lo prinsipal akizatèr i rovien si son lakizasion anplin lodians’ ? Na fé konm si li akiz touzour !!
In zistis sour, in zistis avèg, in zistis inkonpréansib, avèk ou san la konpasion le minist la zistis’. Rénioné i rézim tousala an dizan zistis makro. Parlfèt, kosa i dovien zafèr Théo Hilarion ?