Mi pans zot i koné « S’anfoutsa » ? Si mi tronp pa sa in pèrsonaz dann bann éskètch Thierry Jardinot. Son non mèm i di azot kèl kalité d’moun li lé : in moun i sousyé pa pou riyin, konm i di dann la lang fransé in moun « insousyan ». Moun konmsa i viv o zour lo zour, a-l’èr a-la minite, li viv son fason, la loi pou lé z’ot la pa la loi pou li. Lo motèr d’vi lé z’ot, la pa son motèr d’vi ali. L’èr-la, lo tan i pass é li konstrui pa arien k’i pé diré. Konm lo kozman i di, mèm son l’avnir li sousyé pa. Zot i koné nana d’moun konmsa ! Kroi pa sa in l’invansyon d‘ma par ! Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir, ké, rant-rant , ni pé z’ète, tazantan, dakor rantre nou.