Kossa log a i di ? li di son mouvman i pé pa z’ète kont lizine pou déssal la mèr, mé sak li lé konte sé k’i rozète la somir mélanzé avèk toute sorte shoz dann lo lagon plito ké dan la grann mèr.

Mwin pèrsonèlman mi trouv log a na rézon épi tor an mèm tan. Pou kossa mi di sa ? Pars lé vré tazabntan néna laba konm in gran kouran d’séshrèss é sé pou sa i fo vanz kont lo manke dolo potab mé li di banna i dévèrss la somir(Sin-Lé kan mwin té laba banna téi apèl sa la shoumir mé té pal o mèm zafèr)

Si i pé konprann son larguiman, i fo pa pran sa konm larzan kontan pars in pé partou avèk lénèrzi sal l’apré fé bann lizine konmsa é sa lé riskab an avoir mové konsékanss pou la mèr — antouléka sé sak bann savan i di par égzanp diminyé la kapassité élimine lo diokside karbone(lo co2).

Arzoute èk sa d’apré sak mi lir pou bann savan lo déssalman lo la mèr sé lo dèrnyé solission é néna in paké solission avan sete-la… Tanka Méssyé Macron mwin la anparl an-o la vik li sé in gran partizan la tranzission ékolozik. Pou kissa ? Pa pou bann maoré biensir.

A bon antandèr salu !

Justin