Sa in kozman pou dir, dann in match, lo vinkèr lé pa koni d’avans. Sa lé vré partou, dann tout péi, dann tout divizyon é si lo vinkèr lété koi d’avans lété pa bézoin zoué. Sa sé kétyonn fotbal mé sa i pé z’ète vré dann in bonpé ka. Fyé pa dsi la répitasyon ! Fyé pad si lo favori ! Fyé pa nonpli dsi sak lé répité pli for. Lé vré désèrtin zékip i pèrd lo moral kan zot i kroiz avèk in l’ékip répité pli for… Antansyon kant mèm lo pli for i pé ariv a pèrd pars lé z’ot i suiv ali, é i fini par trouv in tik tak pou donna li son bourant. Sé sak i ariv souvan dé foi. Alé ! Mi lèss azot réfléshi la dsi é ni artrouv pli d’van sipétadyé.