Lakey lo sit > Chroniques > Oté
« Balon lé ron pou toulmoune ! »
In kozman pou la route
samdi 1 octob 2022, sanm
Médame, Méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.
Sa lé bien vré dann footbal balon lé ron é par rapor poinnvizé-la, toulmoune lé égal. Provi ké wi antrenn konmkifo, provi ké wi apran lo bande téknik, é sirtou si wi mète toutt la shanss out koté.
Mé dan sète afèr-la, nou lé pi dann footbal é dann balon, mé nou lé an sossyété é lo kozman i di : final de konte shakinn néna son shanss é i doi baz la dsu pou réissi dan la vi. Antouléka sé sak lo kozman i di mèm si pou mwin sé in n’afèr lé diskitab.
Pou mwin la shanss ti-poul la pa la shanss ti-kanar é mi kite azot rofléshi la dsi é ni rotrouv pli d’van. Sipétadyé.
Justin
