Mézami, si zot la zoué in pé fotbal dan zot zénèss osinonsa koméla ankor zot i koné kozman-la pars sé sète bann siportèr k’i vé dir shakinn néna son shanss dsi in match. Lo répité pli for i pé pèrde, lo répité pli faye i pé gagné-pa dsi in sézon mé dsi in sèl match.

Astèr ni pé késtyone anou pou konète si kozman-la néna in sanss an déor d’match fotball. Mi panss oui si ni konsidèr la vi konm in kantité match ni doi dispité : kissoi pou passin diplome, kissoi pou gingn in travaye, kissoi ankor toute konpétission néna dan la vi. Finalman si ni done anou in lobjektif é si ni mète toute moiyin nou néna pou trape sa, pa zordi pa domin ni pé trape ali.

Alé ! Mézami, mi kite azot rofléshi la dsi é ni artrouv pli d’van, sipétadyé.

Justin