Oté

« Balyé nèv i komans dann salon épi li fini dann toilète »

In kozman pou la rout

Justin / 15 novanm 2018

JPEG - 43.6 ko

Kan ou néna kékshoz nèv, lé normal ou i pran prékosyon avèk. Ou i bate pa li par si par la, ou i kongn pa, ou lé an réspé avèk li. Mé li fini par izé, par viéyi é firamézir ou i mète moins lo soin avèk li : ou i ézite pa bate ali par si par la, ou i pran pi tro lo soin sanm li, kisoi in n’afèr shèr kisoi in n’afèr bon marshé. Pou komansé ou néna lo méyèr plas pou li, é lo méyèr izaz, mé pou finir i mète ali ninport ékèl landroi é i fé ninport kosa avèk li. La vi lé konmsa é pa otroman. Alé ! Mi kite azot rofléshi la dsi é ni artrouv pli d’van. Sipétadyé !